Кнігу Alter Nemo складаюць лірычна-мэтафізычныя тэксты, аб’яднаныя пошукам межаў чалавечага існаваньня. Ці маем мы рацыю, калі лічым сабою тое, што носім пад скурай і вопраткай, пад абалонкаю нашых думак і ўчынкаў? Мы існуем ня столькі ўнутры, колькі звонку сябе, і таму нараджэньне — далёка ня першая падзея ў нашым жыцьці, а сьмерць — не апошняя. Юрась Барысевіч — удзельнік творчых суполак Асацыяцыя Сучаснага Мастацтва, Schmerzwerk, Другі фронт мастацтваў, адукацыйнага праекту Беларускі калегіюм; аўтар кнігі пра экспэрымэнтальную літаратуру й канцэптуальнае мастацтва “Цела і тэкст”. Жыве ў адной са сталіцаў Усходняе Эўропы. Болей...

Дзяржаўнае тэлебачаньне паказала, як адбывалася запаўненьне перапісных анкет у Драздах, у рэзыдэнцыі Аляксандра Лукашэнкі.

Як у грамадзтве паставіліся да перапісу? Госьця Свабоды – Ася Паплаўская, студэнтка 4 курсу факультэта журналістыкі Інстытуту журналістыкі БДУ, адна зь перапісчыцаў, якая ўжо ўдзельнічала ў папярэднім абыходзе насельніцтва.

Зварот да Грамадзянау

«Сябры Таварыства беларускай мовы імя Ф.Скарыны ў Наваполацку сведчаць аб тым, што пры правядзенні перапісу складваюцца ўмовы для парушэння закона аб мовах. Перапісчыкі ў Наваполацку кажуць, што бланкаў перапісных лістоў на беларускай мове ў іх няма. Пасля тэлефоннай размовы з інструктарам перапіснога ўчастка выяўляецца, што бланкаў на беларускай мове да іх увогуле не паступіла, але, па яго словах, яны выканаюць пажаданне грамадзяніна і праз нейкі час правядуць у яго апытанне з дапамогай беларускамоўнага бланку. Фактычна складваецца сітуацыя, калі на падставе «аб’ектыўных» абставінаў, беларускамоўных грамадзянаў Беларусі ўгаворваюць згадзіцца на рускамоўныя перапісныя лісты»

Прачытаўшы гэнае, патэлефанаваў на наш перапісны пункт. Справа не така дрэнна, але-ж я абалдзеў! Апынулася, каб не патэлефанаваў, і яны мяне не пазначылі адмыслова — прыйшлі б да мяне, мусіць, з расейскамоўным бланкам :( Яшчэ запыталі: а колькі бланкаў мне трэба? Я: як колькі — на ўсіх, 4 асобнікі! Без праблем пазначылі, размаўлялі ветліва. Як пачулі пра беларускамоўныя бланкі — ажывіліся — помесь радасьці і зьдзіўленьня — паабяцалі, што ўсё будзе хакей :) Але-ж я ўся-роўна ім нагадаю напярэдадні сваёй пятніцы :)

Раю вам, каб не было казусаў, прыйсьці на
стацыянарны пункт, і тамака запісацца ў белмове!

14 кастрычніка 2009 году пачынаецца ўсебеларускі перапіс. Адносна мовы ўлады падрыхтавалі наступнае пытаньне “Ваша родная мова (мова, засвоеная першай у раньнім дзяцінстве)”. Ці згодныя вы з тым, што родная мова – гэта тая, якую вы засвоілі ў дзяцінстве першай? ДЫСКУСІЯ НА СВАБОДЗЕ.

«1. Мова сваёй нацыі, мова продкаў, якая зьвязвае чалавека зь яго народам, з папярэднiмі пакаленьнямі, іхнымі духоўнымі набыткамі.
2. Псыхалінгвістычная катэгорыя, што адлюстроўвае эмацыйныя адносіны да мовы, этнічную арыентацыю чалавека.
3. Мова, на якой чалавек мысьліць без дастатковага самакантролю, з дапамогай якой лёгка і натуральна выражае свае думкі ў вуснай і пісьмовай слоўнай форме, якая служыць падмуркам яго этнічнага самаўсьведамленьня, яго этнічнай і нацыянальнай самаідэнтыфікацыі.

Паняцьце «родная мова» ня зводзіцца да мовы, першай засвоенай у дзяцінстве. У сацыялінгвістычных працах падкрэсьліваюцца недахопы ідэнтыфікацыі паняцьця «родная мова» пабочнымі асобамі на аснове той або іншай кампэтэнцыі, паколькі нярэдкія выпадкі, калі двухмоўныя людзі лепш ведаюць адну мову (на якой атрымалі адукацыю), аднак адчуваюць мацьнейшую афэктыўную прывязанасьць да іншай мовы, якую і называюць роднай. Існуюць і зусім складаныя выпадкі, калі родная мова якога-небудзь чалавека можа зьмяняцца на працягу жыцьця. У падручніку па сацыялінгвістыцы Вахціна і Галаўко адмыслова падкрэсьліваецца, што «матчына мова — не абавязкова родная, родная мова — не абавязкова першая». Адсюль вынікае, што кожны беларус мае поўнае маральнае права назваць сваю родную мову - БЕЛАРУСКАЙ… таму пытанне "ці варта хлусіць?" лепш задаць тым, хто рыхтаваў матэрыялы для перапісу…»

via zmagarka in «ці вы таксама збіраецеся хлусіць перапісчыкам?»

Шмат інфы пра перапіс:
http://community.livejournal.com/litviny2009

Зварот беларускамоўных грамадзкіх дзеячаў напярэдадні перапісу: «Шаноўныя сябры!.. Адказ “беларуская” на пытанні перапісчыкаў аб роднай мове і мове штодзённага ўжытку мае не толькі сімвалічнае, але і практычнае значэнне. Ад колькасці людзей, якія ў адказах назавуць беларускую мову, будзе залежаць далейшая палітыка дзяржавы. Адказам “беларуская” вы станоўча паўплываеце на яе. Будзем жа памятаць пра гэта, адказваючы на пытанні перапісчыкаў! Падтрымаем наш нацыянальны скарб – мову нашых продкаў, якая нас усіх аб’ядноўвае і робіць унікальнымі. Будзьма з мовай!..».