[Kristanoj]

Saluton

Thu, 12 Jun 2008 20:56:42 GMT

Mi lernas nuntempe Esperanton kaj ankaw mi estas Katolika Kristano. Do shajnas bone al mi membrigi min en chi tiun komunumon. Sed mi demandas: chu estas iu ajn chi tie nun? Neniu poshtas mesaghon dumlonge. Mi tre shatus diskuti Esperanton kaj Kristanismon kun aliaj Kristanoj el iu konfesio. Mi pardonpetas por mia h-metodo de skribado kaj por iaj fushadoj de nia lingvo far mi. Ghis!

Proklamo de Pelplin

Tue, 07 Aug 2007 10:40:04 GMT

"La rikolto estas abunda, sed la laborantoj estas malmultaj." (Mat 9:37)

Ĉi tiu dokumento ricevas la nomon de la urbo, en Pollando, kie oni debatis, okaze de la 18a Ekumena Esperanto-Kongreso (2007 07 21 ĝis 28), la temon "Dio estas la amo...(1 Joh 4:16)". Ĝi ne esprimas la oficialan opinion de IKUE nek KELI, sed nur de tiuj, individuoj aŭ grupoj, kiuj subskribis aŭ subskribos ĝin. La originalo de la proklamo troviĝas ĉe FEJO (Finnlanda Esperantista Junulara Organizo), kiu akceptis aliĝojn en skriba formo ĝis 2007 07 28.
Ni, la subskribintaj reprezentantoj kaj simpatiantoj de la junulara kristana esperantistaro, proklamas, ke ni estas:

1) ekumenaj, do strebantaj al kunlaboro inter ĉiuj junaj kristanaj esperantistoj, ne nepre dependantaj de la konvenciaj movadaj strukturoj

2) tenantaj proksimajn kunlaborajn kontaktojn kun IKUE, KELI kaj TOLE, sed funkciantaj kiel neformala sendependa grupiĝo

3) junularaj, do respektantaj la ofte limigitajn eblojn kaj certajn apartajn agadkutimojn de la nuntempa Esperanto-junularo

4) realismaj, do uzantaj Esperanton por praktikaj celoj de nia agado, ne kiel celon mem

5) ĝisdataj, do klare komunikantaj pri ni kaj nia agado, ekzemple ne plu misnomantaj niajn nuntempajn kunvenojn Junulara Esperanto-Tendaro, sed Junularaj Esperanto-Tagoj

6) modernaj, do sekvantaj la trendojn en internacia komunikado celante atingi nian celgrupon, ekzemple aktivantaj en la interreto kaj tie sin inde prezentantaj

7) aktive varbantaj, do serĉantaj kunlaborantojn en la ceteraj junularaj Esperanto-strukturoj

8) ekstere nin prezentantaj, do reprezentantaj ĉe la ceteraj junularaj Esperanto-aranĝoj

9) kunvenantaj dum Ekumenaj Esperanto-Kongresoj kaj ĉe aliaj taŭgaj okazoj

Ekumena kongreso en Pollando

Wed, 23 May 2007 19:39:17 GMT

Ĉu vi jam aŭdis pri tio?

Rigardu:
http://b-eichkorn.homepage.t-online.de/eek2007in.html

Preludo - de kio?

Tue, 22 May 2007 19:37:22 GMT

Jam dum kelkaj tagoj mi pensis finfine skribi ĉi tien kiel la unua kuraĝulo. Nun mi faras tion. :)

"...ni cxiel kreskadu en tiun, kiu estas la kapo, Kristo, el kiu la tuta korpo, kunigita kaj kunfortikigita tra cxiu artiko de la livera sistemo, per energio, laux la mezuro de cxiu parto, faras kreskadon de la korpo, por la sinedifado en amo." Efesanoj 4:15-16

Unue mi volas iom primiri kial la komunumo tiom longe silentis. Ĉu eble estas iel ne klare kion signifas esti kaj kristano kaj esperantisto? Iom nova temo al mi. Eble iu el vi jam pli pensis pri tio. Ĉu ni esperantistoj povus iĝi artikoj inter korpopartoj kiuj ankoraŭ ne komunikas? Ĉu ni kristanoj povus krei kaj eble ankaŭ disdoni ene de Esperantujo Bonan etoson kun majuskla Bo? Ĉiukaze kuniĝante en Lia nomo la eblecoj estas vastaj, ĉar:

"Ĉar kie du aŭ tri kunvenas en mia nomo, tie mi estas meze de ili." (Mat 18,20)

La penso kiun mi nun provas esprimi estas eble inversa rilate al la verso antaŭe - sed tamen mi vidas ke la aferoj iel rilatas. Iam estis tempo kiam mi kredis ke apenaŭ ekzistas esperantistoj kredantaj. Stultaĵo, sed tiel mi pensis. Feliĉe nia Sinjoro agas en la mondo en kaj tra kolektivoj...kie estas unu el ni, kutime estos baldaŭ alia. Tion mi dum mia mallonga vivo iel rimarkis. Do, post IJK2006 en Sarajevo - kiam mi jam unu jaron pli aktive esperantumis - evidentiĝis ke ĝuste tiuj personoj kun kiuj mi eble plej pasigis tempon dum la kongreso ja estas kristanoj! Bezonendis nur preĝeto kaj ek! - malkovriĝis al mi malgranda kaj relative silenta reto da junulaj kristanaj esperantistoj. :D

Kio do okazos pri ĉio tio... ĝin ni vidos. Mi scivolante sekvas la situacion. :)

Hmmm... iom longa kaj sed espereble ne tro malklara mesaĝo tiu ĉi. Miro se vi finlegis. :D

Laste mi volas danki al LaPingvino ĉar li ja kreis tiun ĉi komunumon.

Dio gvidu niajn fingrojn sur klavaroj laŭ lia vojo! :)