volny_licwin

Дарагія сябры!
Мінскі Планетар запрашае наведаць цыкл гутарак
“Прыроднае і духоўнае ў гісторыі Беларусі”
прымеркаваны да 160-годдзя з дня нараджэння мастака, астранома і фалькларыста Язэпа Драздовіча

 
Язэп Драздовіч – славуты беларускі мастак і скульптар,  творчасць якога прыпала на неспакойны час першай паловы ХХ стагоддзя. Ён з’яўляецца адным з пачынальнікаў астранамічнай, навукова-фантастычнай і, адначасова, гістарычнай тэмаў у беларускім выяўленчым  мастацтве.  Першыя малюнкі Драздовіча зроблены ў 1907. Аформіў вокладкі «Беларускага календара на 1910», кнігі К.Буйло «Курганная кветка» (1914), «Школьнага спеўніка» А.Грыневіча (1920), і інш. У 2-й пал. 1920-х гадоў стварыў вялякія графічныя серыі (па 14—16 лістоў) «Мір», «Глыбокае», «Навагрудак і навагрудцы», «Крэва», «Ліда», «Гальшаны», «Меднікі», «Трокі», прысвечаныя гарадзішчам, замкам і цэрквам. У гэты час шмат вандраваў па Дзісеншчыне, Піншчыне, дзе рабіў графічныя замалёўкі, збіраў этнаграфічныя матэрыялы для «Беларускага этнаграфічнага слоўніка». Касмічная тэма прадстаўлена серыямі  «Жыццё на Марсе» (1931), «Жыццё на Сатурне» і «Жыццё на Месяцы» (1932), «Космас» (1940).  Адметна тое, што Язэп Драздовіч аўтар адной з першых беларускамоўных кніг па астраноміі  «Нябесныя бегі» (1931)

Першая гутарка адбудзецца у сераду, 12 лістапада, у 19:00 у зорнай залі мінскага Планетара (Парк ім. М.Горкага, ст.метро “Плошча Перамогі”) Тэлефон для даведак:  294-33-64, (МТС) 8-029-768-2878